.png)
Sezoni i fundit i Serisë A sapo është arkivuar dhe është koha për të bërë bilance. Falë të dhënave të Opta-s, që bazohen në disa statistika dhe numra të ndryshëm, është përcaktuar edhe formacioni më i mirë e kampionatit që u mbyll me Interin kampion të Italisë.
Në portë është Donaruma (Milan), në mbrojtjen me katër luajnë Kuadrado (Juventus) dhe Teo Hernandez (Milan) në krahë, kurse në qendër dyshja e Interit, Bastoni-De Vrij. Treshja e mesfushës formohet nga Zielinski (Napoli), De Paul (Udineze) dhe Malinovskij (Atalanta). Edhe sulmi është me tre lojtarë dhe ata janë Ronaldo (Juventus), Lukaku (Inter) dhe Muriel (Atalanta).
Interi kampion përfaqësohet me tre lojtarë në këtë formacion, më pas vijnë Milani, Juventusi dhe Atalanta me nga dy lojtarë. Një skuadër ëndrrash, por mungojnë në të emra sugjestionues, siç janë interistët Hakimi dhe Barela, milanisti Kesi, sulmuesi i Fiorentinës Vlahoviç, pse jo dhe mbrojtësi Berat Gjimshiti i Atalantës dhe Kombëtares shqiptare.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje