.png)
Partia Republikane organizoi forumin mbi situatën gjeopolitike në Ballkan.
Në një panel ku merrnin pjesë gjeneralë dhe politikanë nga të dy anët e Atlantikut, SHBA dhe BE, Mediu tha se, “Ballkani perëndimor u trondit nga luftërat, mizoritë, gjenocidi dhe spastrimet etnike në një shkallë, të cilat u konsideroheshin të pamundura në një Europë të pasluftës 2 botërore”.
“Të gjitha këto gjëra, shërbyen si një mësim se paqja dhe demokracia, janë një betejë e përditshme dhe jo vetëm një destinacion apo një ëndërr.
Një mësim që fatkeqësisht sot duket se harrohet dhe vihet në pikëpyetje çdo ditë.
Gjeopolitika në Ballkan ka ndryshuar shumë. Vakumi i krijuar nga SHBA dhe BE në vitet e fundit është i mbushur me ndikim dhe prani të Rusisë dhe Kinës në shumë aspekte”, tha Mediu
Kryerepublikani nënvizoi se, ”Rusia ka ndikim të fortë në Serbi, Bosnje dhe Hercegovinë, Mali i Zi”.
“Rusia ka zgjeruar gjithashtu praninë e tyre ushtarake, inteligjencës, atë ekonomike dhe mediatike, Kina është bërë një faktor shumë i rëndësishëm ekonomik me investime në sektorët kryesorë të tillë si teknologji, infrastrukturë dhe energji që janë të lidhura me sigurinë tonë.
Iniciativa 17 + 1 e udhëhequr nga Kina është shumë aktive dhe përfshin jo vetëm vendet e Ballkanit perëndimor, por edhe anëtarët e BE.
Shumica e udhëheqësve në Ballkan, janë të etur për të ndjekur dhe zbatuar kryesisht stilin kinez, rus ose turk të qeverisë së njerëzve të gjithëpushtetshëm
Si theksoi Dhoma e Lordëve në raportin e tyre të vitit 2018 ‘vendet në rajonin e Ballkanit perëndimor po kthehen drejt udhëheqjes autoritare politikë nacionaliste dhe kapja e shtetit ”, tha ai.
Mediu tha se, “njerëzit që qëndruan kundër qeverive të tyre diktatoriale dhe autoritare, sot duket se pranojnë regresin e demokracisë”.
“Shumica e njerëzve të rinj dhe aktivë po largohen masivisht nga rajoni në BE, përmes programeve të punësimit, por edhe si azilkërkues duke krijuar një problem të madh politik, social dhe ekonomik për të tashmen dhe të ardhmen e rajonit tonë.
Perëndimi nuk ka mundësi të vazhdojë këtë politikë vetëkënaqësie duke menduar se problemi do të zhduket vetvetiu, ose se aspirata e vetme e anëtarësimit në BE është e mjaftueshme për ta mbajtur rajonin në një rrugë drejt demokracisë dhe standardeve më të larta”, tha ai.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje