.png)
Gazeta Si – Mbi një mijë njerëz kanë humbur jetën nga dëmet e shkaktuara nga një tërmet i fortë me magnitudë 6.1 ballë që goditi juglindjen e Afganistanit, në kufirin me Pakistanin të martën në mbrëmje.
Një zyrtar i qeverisë lokale tha për BBC, duke theksuar se mijëra të tjerë janë të plagosur.
Sipas Institutit Gjeofizik të SHBA-së, tërmeti u regjistrua 44 km në jugperëndim të Khost-it, në një thellësi prej 10 km.
Tërmeti ka habitur popullatën gjatë gjumit, ndërsa viktima ka edhe në Barmal, Zirok, Nika dhe Giyan të provincës Paktika.
Qendra Sizmologjike Euro-Mesdhetare raporton se tërmeti është ndjerë në një rreze prej mbi 500 km, jo vetëm në Afganistan dhe Pakistan, por edhe në Indi.
Dëshmitarët thanë se e ndjenë tërmetin në kryeqytetin e Afganistanit, Kabul, si dhe në kryeqytetin e Pakistanit, Islamabad.
Tërmeti befasoi shumë njerëz gjatë gjumit (u regjistrua në orën 01:24 të natës) dhe numri i viktimave mund të rritet në mënyrë dramatike.
Ndërkohë, mbi 610 persona të tjerë kanë mbetur të plagosur, qindra shtëpi janë shkatërruar, ndërsa të plagosurit janë transportuar në spitale me helikopterë.
Shkak i dëmeve të mëdha të shkaktuara nga tërmeti janë banesat e paqëndrueshme ose të ndërtuara në mënyrë të dobët.
Fotot e shpërndara në rrjetet sociale tregonin njerëz në barela, rrënoja dhe shtëpi plotësisht të rrënuara në provincën Paktika.
“Një tërmet i fortë tronditi katër rrethe të provincës Paktika, duke vrarë dhe plagosur qindra bashkatdhetarë tanë dhe duke shkatërruar dhjetëra shtëpi”, – tha në Tëitter Bilal Karimi, zëvendës zëdhënës i qeverisë talebane.
“Ne u bëjmë thirrje të gjitha agjencive humanitare që të dërgojnë menjëherë ekipe në zonë për të parandaluar fatkeqësitë e mëtejshme”.
Udhëheqësi i talebanëve, Hibatullah Akhundzada, i nënshtruar sanksioneve të OKB-së për aktivitete terroriste, u bëri thirrje gjithashtu ndërkombëtare dhe organizatave humanitare që të ndihmojnë Afganistanin, i cili u kthye në kontrollin fondamentalist më 15 gusht të vitit të kaluar.
“I bëjmë thirrje komunitetit ndërkombëtar, bamirësive dhe organizatave humanitare që të ndihmojnë popullin afgan në këtë tragjedi dhe të bëjnë çdo përpjekje për të ndihmuar sa më shumë që të jetë e mundur të vdekurit”, tha Akhunzada në një deklaratë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje