.png)
Numri i të vdekurve nga shirat e mëdha dhe përmbytjet që goditën Gjermaninë Perëndimore, është të paktën 42 persona dhe rreth 50 të zhdukur, sipas policisë gjermane.
“Shumë nga njerëzit e zhdukur” u gjetën në çatitë e shtëpive që u përfshinë nga përmbytja e lumit në komunën e Schuld në Rhineland-Palatinate, tha një zëdhënës i policisë së Këlnit.
Në veçanti, ujërat përmbytën gjashtë shtëpi në qytetin e Schuld. Shkollat mbeten të mbyllura në disa vende, njoftoi media lokale.
Autoritetet raportojnë se rreth 200 mijë persona kanë mbetur pa energji elektrike, ndërsa kancelarja Angela Merkel ka mbetur e “tronditur nga katastrofa” që ka përfshirë vendin në mes të sezonit veror.
Veçanërisht i prekur ishte qyteti Hagen, ku të mërkurën, sasia e madhe e ujit mbushi dhjetëra e dhjetëra bodrume, “Keller” tipike të shtëpive në Gjermani.
Zjarrfikësit duhet të shpëtonin disa shoferë, automjetet e të cilëve ishin bllokuar në metro të përmbytura. Disa video të postuara në rrjetet sociale tregojnë rrugë me ujë në lartësinë e gjurit dhe të tjerë të mbuluara me baltë. Përmbytjet prekën edhe pjesë të tjera të Evropës perëndimore dhe qendrore: Hollandë, Belgjikë dhe Zvicër.
Stolberg bei Aachen #Klimakrise #Dauerregen #Hochwasser pic.twitter.com/nfgz8UjHaQ
— Tinush 💉 (@Tinush20) July 14, 2021
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje