.png)
Kina ka nisur të mërkurën një stërvitje masive ushtarake në ujërat përreth Tajvanit, pas vizitës së kryetares së Dhomës së Përfaqësuesve të Kongresit amerikan, Nancy Pelosi në Taipei.
Ushtria Popullore e Kinës njoftoi se stërvitja po mbahet me municione të vërteta dhe në të janë përfshirë dhjetra avionë, tre kryqëzore dhe tre nëndetëse.
Mes avionëve që po përdoren janë edhe J-20, avionët e fundit luftarakë prodhim vendas i Kinës dhe disa avionë Su-35 prodhim rus.
Zyrtarisht Pekini nuk ka njoftuar se sa do të zgjasë stërvitja, por harta e zhvillimit të tyre rrethon të gjithë Tajvanin, çka ka ngritur dyshime se vendi komunist mund të përdorë të njëjtin skenar si Rusia për të pushtuar ishullin e shkëputur prej vitit 1940.
Para se të ndërhynte në Ukrainë, Rusia justifikoi grumbullimin e trupave të saj në pranë kufirit mes dy vendeve dhe në Bjellorusi me zhvillimin e një stërvitjeje ushtarake. Më 24 shkurt, nisja e bombardimeve dhe ndërhyrja në Ukrainë provoi të kundërtën.
Të njëjtin arsyetim po jep edhe Kina në lidhje me grumbullimin e trupave përreth Tajvanit. Sipas ekspertëve, veç trupave që po marrin pjesë në stërvitjen e nisur, Kina ka grumbulluar edhe mbi 500 mijë ushtarë në brigjet e ngushticës gati për të luftuar.
Përshkallëzimi i tensioneve ka ngjallur shqetësime edhe në OKB. Sekretari i Përgjithshëm i saj, Antonio Guterres tha se njerëzimi është vetëm një keqkuptim larg vetëshkatërrimit bërthamor, duke iu referuar situatës së tensionuar mes Kinës e Rusisë nga njëra anë dhe Perëndimit nga ana tjetër.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje