.png)
Frika se në përfundim të votimit për shkarkimin e Lulzim Bashës mbështetësit e Sali Berishës mund t’i drejtohen godinës së Partisë Demokratike, çka mund të sillte edhe përplasje mes dy palëve ka zhvendosur forca të shumta policie pranë selisë së kësaj partie.
Të paktën një autobot me top uji dhe disa furgona policie të mbushur me efektivë janë vendosur në rrugën George W. Bush, pranë xhamisë së Namazgjasë.
Gazeta Si mëson se zhvendosja e forca të policisë nuk është bërë posaçërisht për mbrojtjen e godinës së Partisë Demokratike, por për mbrojtjen e godinës së seancave plenare të Kuvendit, nisur nga afërsia mes dy godinave.
Policia ka përcaktuar një perimetër sigurie në zonë dhe ka gati edhe një plan paraprak veprimi në rast trazirash. Megjithatë, burime të Gazetës Si thonë se mundësitë që ky skenar të ndodhë mbeten të pakta, por gjithsesi, masat paraprake janë marrë për të shmangur çdo skenar të mundshëm.
Ndërkohë, në Air Albania delegatët e thirrur në Kuvendin e Sali Berishës vijojnë me votimin për shkarkimin e Lulzim Bashës. Vetë ky i fundit, që këtë Kuvend e ka cilësuar miting të Sali Berishës ndodhet në selinë e partisë për të festuar 31-vjetorin e themelimit të saj.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje