.png)
Alarm i ri në Ishujt Kanarie në Spanjë. Pasi shkatërruan dhe përpinë rrugë, shtëpi dhe shkolla, vala e llavës së vullkanit Cumbre Vieja, që shpërtheu në ishullin La Palma, arriti në det gjatë natës.
Tani rreziku është që të vullkani të lëshojë tym toksik dhe për këtë, autoritetet lokale, kanë evakuuar ditët e fundit një pjesë të popullsisë dhe u kanë kërkuar atyre që kanë mbetur të mbyllen në shtëpi dhe të mbyllin dyert dhe dritaret me shirit ngjitës dhe peshqir të lagur.
Autoritetet kanë kërkuar po ashtu që njerëzit “të mbrojnë traktin respirator me lecka të lagura dhe të mbulojnë hundën dhe gojën”.
— AUSTROHÚNGARO (@AUSTROHNGARO2) September 28, 2021
Retë e avullit të bardhë, u vunë re në bregdet, ndërsa lumi i kuq i zjarrtë derdhej nga një shkëmb në Atlantik, në zonën Playa Nueva, duke formuar një piramidë mbi 50 metra.
Ajo që duket e frikshme, është reagimi kimik i shkaktuar nga goditja termike midis llavës inkandeshente dhe ujit, nga i cili mund të çlirohet klori, një substancë që mund të irritojë lëkurën dhe sytë dhe të dëmtojë frymëmarrjen.
Imazhet e transmetuara në televizionin rajonal në Ishujt Kanarie, në një arkipelag spanjoll në brigjet veriperëndimore të Afrikës, treguan llavë inkandeshente që hynte në oqean mes një sasie të madhe tymi.
Shkencëtarët kishin paralajmëruar ditët e fundit për shpërthimet e mundshme, valët llavës dhe retë toksike të shkaktuara nga kontakti midis magmës inkandeshente dhe ujit të detit, i cili rri pezull mbi një temperaturë prej 20-25 gradë celsius.
Observamos en directo el avance de las lavas hasta el pie del acantilado costero que proceden de la colada sur del volcán de La Palma.
— Geociencias Marinas (IEO) (@gemar_ieo) September 28, 2021
Se está generando un impresionante depósito de más de 50 m de altura.#VulcanaIII_0921 @IEOoceanografia pic.twitter.com/jpRn9JIQ4G
Në pritje të ngjarjes, qeveria rajonale e arkipelagut, tashmë të hënën, kishte dekretuar një “rreze përjashtimi prej 2 milje detare” rreth zonës ku pritej të mbërrinte llava.
Vendimi u mor për “mundësinë që të ketë një goditje të vogël në kohën e takimit midis lavës dhe ujit dhe se kjo shkakton avuj që mund të jenë toksikë”, nënvizoi drejtori teknik i Planit të Emergjencave Vullkanike të Ishujve. Kanarie, Miguel Angel Morcuende.
Deri më tani, shpërthimi nuk ka shkaktuar vdekje apo plagosje, por ka detyruar mbi 6,000 njerëz të lënë shtëpitë e tyre, ndërsa ishulli me rreth 85,000 banorë është shpallur një gjendje fatkeqësie natyrore.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje