.png)
Federata Shqiptare e Futbollit ka ashpërsuar sulmin ndaj deputetit të Partisë Socialise, Erjon Braçe, i cili shpesh ka hedhur akuza ndaj institucionit që drejton futbollin në vend dhe ndaj kreut të tij, Armand Duka. Braçe është paditur në gjykatë nga FSHF-ja dhe presidenti i saj Duka, që e akuzojnë për shpifje dhe dëmtim imazhi. Deputeti nuk është paraqitur në seancën e parë, që ishte parashikuar të zhvillohej në orën 12:00 të së enjtes.
Gjyqi ndaj deputetit Braçe nuk është civil, por penal. Ndaj tij ka një akuzë nga FSHF-ja si institucion dhe një tjetër nga presidenti Armand Duka. Në bazë të akuzave për shpifje dhe dëmtim imazhi, deputeti Erjon Braçe rrezikon të dënohet me gjobë.
Braçe, një tifozi thekur i Partizanit, ka mbajtur qëndrime shumë kritike ndaj FSHF-së me postimet e tij në facebook, duke e akuzuar atë për afera korruptive. Nga ana tjetër, edhe qeveria e futbollit në vend dhe presidenti Duka kanë mbajtur qëndrime shumë të ashpra ndaj deputetit socialist. Tashmë konflikti mes palëve ka shkuar në gjykatë dhe pritet fjala e drejtësisë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje