.png)
Gazeta Si – Ministrat e Financave të G7 ranë dakord të aplikojnë një çmim tavan për naftën bruto ruse dhe produktet e naftës pas takimit të sotëm.
Por Rusia kërcënoi, nëpërmjet Dmitri Medvedevit, se do të ndërpresë furnizimet me gaz dhe naftë për vendet që vendosin kufij çmimesh.
Sakaqm kufiri fillestar i çmimit do të bazohet në një sërë parametrash teknikë, ndërsa niveli i çmimit do të rishikohet sipas nevojës.
“Ministrat e financave të G7 ranë dakord për të vendosur një tavan mbi çmimin e naftës ruse gjatë një telekonference”, thuhet në deklaratën përkatëse.
“Koalicioni mund të shqyrtojë veprime të mëtejshme për të siguruar efektivitetin e kufirit të çmimit. Kufiri i çmimit do të rishikohet dhe rishikohet nëse është e nevojshme” theksohet në njoftim.
Vendet e G7 konfirmuan gjithashtu se, përveç kufizimeve të naftës, ata do të zhvillojnë mekanizma për të lejuar vendet e cenueshme të ruajnë aksesin e tyre në tregjet e energjisë, përfshirë atë të Rusisë.
Ministrat e financave të G7 u bënë thirrje gjithashtu të gjitha vendeve prodhuese të naftës të rrisin prodhimin e naftës në mënyrë që të reduktojnë paqëndrueshmërinë e tregut.
Gazi rus “nuk do të ekzistojë më”, në Evropë nëse BE vendos një kufi çmimi. Kështu deklaroi nënkryetari i Këshillit të Sigurimit rus, Dmitry Medvedev, siç raporton Tass.
Duke komentuar kërkesën e kryetares së Komisionit Evropian, Ursula von der Leyen, për të vendosur një tavan për çmimet e gazit rus, Medvedev paralajmëroi: “Do të jetë si nafta. Vetëm se nuk do të ketë më gaz rus në Evropë”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje