.png)
Demokratët sot nuk udhëtuan drejt qytetit të Pavarësisë, por zhvilluan homazhe te “Varrezat e Dëshmorëve” në kryeqytet.
Pas homazheve dhe himnit kombëtar, kryedemokrati Basha është ndalur për një mesazh me gazetarët.
Ai duke dashur që t’i referohet 28 nëntorit 1443, datë e cila shënon ngritjen e Flamurit Kombëtar në familjen e Kastriotëve në Krujë, tha: “28 Nëntor 1944, pastaj 1444”. Por, në fakt asnjë nga këto data nuk përkon me ngjarjen në fjalë.
“Gëzuar nga zemra të gjithë shqiptarëve ditën e shenjtë të flamurit, ditën e pavarësisë së lirisë së Shqipërisë. Sot përkulemi në ditën më të thellë përpara simbolit tonë kombëtar, flamurit të Kastriotëve që u ngrit për herë të parë në kështjellëne tyre në 1944… 1444”, u shpreh Basha.
Kryedemokrati mendoi se e kaloi si një lapsus të korrigjuar shpejt, duke harruar se Skënderbeu e ngriti flamurin në Krujë më 1443 e jo më 1444.
Por, këtë gafë nuk ia fal kryeministri Edi Rama, i cili nëpërmjet një postimi në“Twitter” jo vetëm e ka korrigjuar, por edhe e ka falënderuar kreun e PD, duke i thënë: “Flm që na bën të qeshim”.
“Kush kujton se është thjesht njëngatërresë me 5shekuj e gjysmë për shkak të katrave e ka gabim, se Artisti jovetëm s’e di që flamuri i Kastriotëve u ngrit në 1443, po kujton se kështjella e tyre është në Lezhë ku u mbajt mbledhja Besëlidhjes së 1444? Flm që na bën të qeshim”, shkruan kryeministri në “Twitter”.
Video e Bashës është bërë virale dhe ka shpërthyer në humor në rrjetet sociale.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje