.png)
Vakanca e hapur nga Presidenca për përfundimin e mandatit të Përparim Kalos në Gjykatën Kushtetuese ka tërhequr interesimin e dhjetë kandidatëve, mes të cilëve rikthehet Arta Vorpsi, Arta Marku dhe Gent Ibrahimi.
Presidenca ka publikuar listës me 10 emrat që kanë dorëzuar brenda afatit aplikimin e tyre. Në këtë listë është Arta Vorpsi, emri që ishte në vorbullën e sherrit mes Metës dhe Kuvendit për radhën e emërimeve në 2019-n, kreu i Këshillit të Lartë të Prokurorisë, Gent Ibrahimi dhe ish-kryeprokurorja, Arta Marku.
Ardita Buna
Arta Marku
Arta Vorpsi
Besnik Dervishi
Elida Take
Gent Ibrahimi
Juliana Latifaj
Maksim Qoku
Manjola Xhaxho
Sandër Beci
Lista e aplikantëve të mësipërm dhe dokumentacioni për secilin kandidat do t’i përcillen nga Presidenca Këshillit të Emërimeve në Drejtësi, për verifikim dhe vlerësimin e tyre sipas profesionalizimit.
Më pas, lista e renditur sipas kualifikimit nga kandidati me pikët më të larta te kandidati i vlerësuar më pak i çohet sërish Presidentit, që duhet të zgjedhë njërin nga tre emrat e renditur të parë në këtë listë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje