.png)
Gazeta Si – Një ushtarak që dha shpirtin e tij në kohën e BRSS, i cili u ngjit në majën e hierarkisë ruse pas luftës në Çeçeni dhe që konsiderohet teoricieni i të ashtuquajturës “luftë hibride”. Domethënë, një konflikt jo më me luftë avionësh, tanke dhe trupa tokësore, por përmes ndërhyrjeve kompjuterike dhe sulmeve kibernetike.
Këtu janë tiparet e spikatura të personalitetit të Valery Gerasimov, gjeneralit i cili më parë ishte shefi i shtabit të të gjitha forcave të Moskës, zëvendësministër i Mbrojtjes dhe që nga sot është emëruar nga Putin si shef i drejtpërdrejtë i operacioneve në Ukrainë.
Gerasimov është 67 vjeç, hyn në akademinë ushtarake në fillim të viteve 1970 dhe specializohet në komandimin e divizioneve të tankeve.
Në vitin 1991, pas rënies së BRSS, ai kishte arritur tashmë gradën e kolonelit dhe në 1999 u bë shef i shtabit të trupave të vendosura në rajonin e Kaukazit.
Këto janë vitet e luftës në Çeçeni dhe në të njëjtën kohë me ngritjen e Vladimir Putin, i cili tregon besim në rritje te Gerasimov.
Karriera e “Carit” dhe gjeneralit duket se ecin paralelisht dhe është pikërisht ecuria e luftës në Çeçeni që i siguron oficerit të lartë një karrierë të shpejtë në gradat më të larta të mbrojtjes.
Që nga viti 2012, ai ka qenë Shefi i Shtabit të të gjitha Forcave të Armatosura Ruse (Ushtria, Marina, Forcat Ajrore).
Ndërkohë, në Soledar janë përqendruar këto ditë përplasjet më të përgjakshme.
Imazhet satelitore të marra nga SHBA, “Maxar” të qytetit, në rajonin Donjeck në Ukrainë, në qendër të ditëve të sulmeve të furishme nga forcat ruse, tregojnë një Soledar të shkatërruar pothuajse plotësisht.
Imazhi i parë i postuar në Tëitter nga “Maxar” tregon qytetin para 1 gushtit 2022.
I dyti tregon një pjesë të qytetit pas 10 janarit 2023, ku shfaqen ndërtesa të shkatërruara plotësisht.
Qyteti minerar Soledar është “pothuajse i shkatërruar plotësisht”, por luftimet vazhdojnë dhe vija e frontit lindor “mban”, shpjegoi vetë presidenti Volodymyr Zelensky në fjalimin e tij dje në mbrëmje.
Autoritetet ushtarake ukrainase kanë lëshuar një komunikatë nga Soledar që flet për “të paktën njëqind” ushtarë rusë të vrarë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje