.png)
Gazeta Si – Prej kohësh në Shtetet e Bashkuara të Amerikës ka ngjallur interes ankandi i sendeve me vlerë të sportit, që kanë vlerë në memorien e tij. Gjatë viteve kjo merkato ka shpërthyer, pasi sendet, apo fanellat e përdorura nga emrat e mëdhenj, si Muhamed Ali, për shembull, kërkohen nga të gjithë.
Kjo shpjegon edhe 6 milionë dollarët e paguar nga Jim Irsay, pronari i Indianapolis Colts, skuadër e futbollit amerikan (Nfl), për gjerdanin e fituar nga Muhamed Ali. Bëhet fjalë për gjerdanin e duelit të famshëm për peshat e rënda Wbc kundër Xhorxh Foreman në Kinshasa (atëherë Zaire, sot Republika Demokratike e Kongos) në 1974-ën.
Ai takim ka mbetur në memorie si “The rumble in the jungle” dhe është i fundit i një serie të gjatë që grumbulloi të ardhura të çmendura.
Ankandi u mbyll në orën 4 të mëngjesit të së dielës. Sipas Heritage Auctions, është një nga dy gjerdanët e Ali në qarkullim. Tjetri ruhet në muzeun e një koleksionisti privat dhe nuk mendohet të dalë në shitje.
Gjerdani i Ali është i fundit që Irsay shton në koleksionin e tij të sendeve të memories sportive. Më parë ai ka blerë edhe këpucët e Ali në takimin tjetër historik, “The thrilla in Manila”, ku “The greatest” mundi Xho Frajzer në Filipine, në 1975-ën.
Irsay nuk koleksionon vetëm materiale boksi. Ai ka në pronësi edhe kitarën e famshme të zezë Stratocaster të David Gilmour të Pink Floyd. Për të pagoi 4 milionë dollarë. Ka edhe baterinë e Ringo Starr (2.2 milionë).
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje