.png)
Ministri i Jashtëm grek Nikos Dendias akuzoi sot Gjermaninë nuk po përdor ndikimin e saj për të vendosur embargo armësh ndaj Turqisë.
“Unë nuk e kuptoj pse Gjermania nuk po përdor pushtetin e jashtëzakonshëm të ekonomisë së saj për të dhënë shembullin vendeve të tjera për të zbatuar ligjin ndërkombëtar”, tha Dendias në një intervistë për Politico.eu.
Greqia i ka bërë thirrje vendeve europiane të ndalojnë shitjen e armëve në Turqi.
Athina ka argumentuar se këto armë mund të përdoren kundër dy vendeve anëtare të BE-së, Greqisë dhe Qipros, nëse do të ketë rritje të tensioneve për ujërat territorial.
Në mënyrë të vecantë Greqia ju drejtua Gjermanisë për të mos lejuar shitjen e nëndetëseve të kërkuara nga Turqia. Athina argumentoi se këto mjete mund të përdoren për të rritur ndikimin në mesdheut lindor.
Greqia dhe Turqia janë anëtarë të NATO-s, por gjithmonë janë përplasur për ujrat territorial. Këto përplasje kanë arritur kulmin në muajt e fundit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje