.png)
Për të përshpejtuar ritmin e vaksinimit, Greqia ka vendosur që klinikat private shëndetësore – poliklinikat të lejohen të shpërndajnë vaksinat.
Këto qendra private do të marrin 3 euro nga shteti për çdo vaksinim të administruar për të mbuluar shpenzimet e konsumit dhe personelin. Të paktën 130 qendra private në rajonin e Atikës tashmë kanë shprehur interes për të marrë pjesë.
Po ashtu qeveria greke ka vendosur që vaksinimet të behën me dy turne, nga ora 7 e mëngjesit deri në mesnatë. Kompensimi prej 20 eurosh do të futet për secilin punonjës që punëon të shtunave, të dielave dhe festave. Qëllimi i ndërhyrjeve është për të bërë të mundur vaksinimin e 2.5 milion qytetarëve deri në maj dhe 4 milion qytetarëve deri në qershor.
Zëdhënësja e qeverisë Aristotelia Peloni njoftoi se vaksinimet do të vazhdojnë normalisht gjatë festës katër-ditore të Pashkëve të premten, të shtunën dhe të hënën. Vaksinat do të ndërpriten më 2 maj pasi është e diela e Pashkëve.
Ndërkohë, Kryeministri Qiriako Mitsotaqis përsëriti thirrjen që njerëzit të vaksinohen në një intervistë të enjten mbrëma.
Duke komentuar përqindjen e lartë të të moshuarve që nuk janë vaksinuar, ai tha se 30% e tyre nuk duan të vaksinohen. “Ata që refuzojnë ose kanë frikë nga vaksinat, le të shkojnë për një shëtitje në një njësi të kujdesit intensiv për të përjetuar dramën e shpalosur dhe të kuptojnë se vaksinat mund ta parandalojnë këtë. Mënyra e vetme për t’i dhënë fund pandemisë është të vaksinoheni”, tha kryeministri.
Marios Themistokleous, sekretari i përgjithshëm i ngarkuar me vaksinimet, tha se imunizimi ishujve me më pak se 1,000 banorë do të përfundojë në ditët e ardhshme.
“Ne do të vazhdojmë në ishujt e tjerë, kështu që brenda muajit të ardhshëm do të kemi vaksinuar shumicën e banorëve të ishujve tanë,” tha ai.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje