.png)
Greqia ia ka bërë thirrje të mërkurën Bashkimit Europian që të miratojë pasaportat anti- Covid-19 në mënyrë që të rihapë turizmin.
Në një intervistë me Financial Times, Ministri i Turizmit, Harry Theocharis, theksoi se aplikimi i certifikatës së vaksinimit duhet të jetë çështja kryesore e Bashkimit Europian.
Theocharis tha se BE duhet të përshpejtojë vendimmarrjen mbi protokollet për lëvizjen e sigurt të qytetarëve europianë nga një vend në tjetrin.
“Bashkimi Europian duhet të miratojë certifikatën e vaksinimit sa më shpejt të jetë e mundur.
Në lidhje me vendimin e qeverisë britanike për ndalimin e udhëtimeve ndërkombëtare jo thelbësore, Theocharis tha se nuk i kuptonte paralajmërime të tilla, duke pasur parasysh progresin që Britania po bën me vaksinimin.
“Nuk mund ta kuptoj pse tani po bëjmë hapa prapa, megjithëse tani kemi mjete gjithnjë e më efektive në ‘arsenalin tonë’ krahasuar me vitin e kaluar – dhe këto janë vaksinat dhe testet e shpejta” tha ministri.
Një certifikatë digjitale do të lëshohet për ata shtetas grekë që janë vaksinuar, por nuk është i detyrueshëm për të udhëtuar në Greqi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje