.png)
Gazeta Si – Viti 2020, pandemi e plotë. Presidenti i atëhershëm i Shteteve të Bashkuara, Donald Trump, evokon publikisht kundër kompanisë kineze “Huawei”, lider botëror në rrjetet e telekomunikacionit: jo 5G kineze.
Kanadaja dhe Britania e Madhe bashkohen. Evropa jo. Së fundmi, CNN me një hetim ekskluziv ka zbuluar se nuk ishte një çështje e parëndësishme tregtare apo një strategji e epërsisë teknologjike: disa rrjete kineze të vendosura tashmë në territorin amerikan do të ishin “të afta të përgjonin komunikimet ushtarake amerikane” deri në atë pikë, raporton hetimi i FBI-së, për të “bllokuar procedurat në lidhje me arsenalin bërthamor strategjik dhe taktik”.
Pse pikërisht tani
Nuk mund të jetë rastësi që rrjedhja ka mbërritur pikërisht tani: pas 5 muajsh lufte të Rusisë në Ukrainë, makthi i një përshkallëzimi ushtarak u shfaq në fjalët e “skifterëve” të Putinit. Dhe nëse ato që zbulohen nga FBI do të ishin të vërteta, Kina e Xi Jinping do të kishte fuqinë më të frikshme në duart e saj: aftësinë për të bllokuar efektin parandalues të kokave bërthamore në dy blloqet kundërshtare.
“Huawei” ka mohuar të ketë këto aftësi dhe vetë qeveria kineze ka thënë se nuk mund të operojë në spektrin ekskluziv të Ministrisë së Mbrojtjes së SHBA-ve.
Por precedentët nuk mungojnë: në vitin 2017, FBI bllokoi një projekt faraonik për të ndërtuar një kopsht në pikën më të lartë në Uashington falë 100 milionëve të dhuruara bujarisht nga Pekini për miqtë amerikanë.
Shërbimet sekrete u bënë dyshuese kur lexuan se antena e vendosur në pikën më të lartë të kodrës, duhej të ishte mbledhur me copa të sjella në territorin amerikan në çantat diplomatike. Tregime të Luftës së Ftohtë. Sigurisht ajo nuk mori kurrë formë.
Dritarja teknologjike
Burimet e FBI-së pranuan për CNN se do të ishte shumë e vështirë të vërtetohej se falë antenave ka pasur një vjedhje të vërtetë të të dhënave në Pekin, por ekzistenca e thjeshtë e kësaj dritareje potenciale për procedurat më sekrete ushtarake në Shtetet e Bashkuara, është më se e mjaftueshme për të dhënë një alarm të sigurisë kombëtare.
Ashtu si me përshkallëzimin e investimeve në energjinë bërthamore ushtarake, të cilat, duke shkuar mbrapa, zbulojnë që tashmë duke filluar nga presidenca e Barack Obamës, përfshirë hetimet për përpjekjet kineze për të futur teknologjitë kundër spiunazhit në territorin amerikan, datojnë që në epokën para asaj të Trump.
Por lajmet për teknologjinë “Huawei” kishin rrjedhur tashmë brenda administratës Trump përpara qëndrimit publik të presidentit të atëhershëm për 5G, edhe pse asnjë zyrtar nuk ishte i autorizuar të fliste për të drejtpërdrejt, duke pasur parasysh hetimin në vazhdim.
Në vitin 2020, Kongresi Amerikan kishte miratuar gjithashtu një buxhet prej 1.9 miliardë dollarësh për të çmontuar teknologjitë “Huawei” dhe “ZTE” që funksionojnë tashmë në zonat rurale dhe më pak të dyshimta në SHBA, megjithëse asnjë nga këto punime nuk ka përfunduar.
FCC, autoriteti i kontrollit të komunikimeve, ka marrë mbi 24,000 kërkesa për çmontimin e rrjeteve kineze, një operacion që do të kërkonte 3 miliardë dollarë.
Dyshime për Europën
Nëse teknologët kinezë do të lejonin seriozisht bllokimin e operacioneve më delikate ushtarake, çfarë duhet të bënte Evropa?
Shumë vende, përfshirë Italinë, kanë blerë masivisht teknologjinë kineze dhe në veçanti nga “Huawei”.
Nuk ka asnjë gjurmë të një dritareje të tillë potenciale teknologjike për momentin, por duke pasur parasysh transformimet që po ndodhin në frontin gjeopolitik, Europa do të duhet të ndjekë me kujdes evolucionin e hetimit të FBI-së.
Përshtati: Gazeta “Si”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje