.png)
Gazeta Si – Cili ishte fillimi i kontrollit të 8 gushtit në rezidencën e Donald Trump në Mar-a-Lago, një akt i paprecedentë kundër një ish-presidenti?
Publikimi i djeshëm i deklaratës nën betim që shoqëronte urdhrin, i dhënë nga një gjyqtar që njohu interesin e jashtëzakonshëm publik të hetimit, jep disa indikacione, pavarësisht fshirjeve të shumta për shkak të nevojës për të mbrojtur burimet dhe dëshmitarët.
Sipas pasazheve të paqarta, një agjent i FBI-së, tha se Arkivi Kombëtar kishte zbuluar dhjetëra “dokumente të shënuara sit ë klasifikuara”, që përmbanin “informacion të mbrojtjes kombëtare”, kur ata gjetën 15 kuti nga Mar-a- Lago në janar.
Në deklaratë është përshkrimi më i detajuar i bërë ndonjëherë për natyrën e atyre dokumenteve: nga 184 të etiketuara si konfidenciale, 67 ishin “konfidenciale”, 92 “sekret” dhe 25 “tepër sekrete”.
Disa kishin shenja të veçanta që sugjeronin përfshirjen e informacionit nga burime njerëzore shumë të ndjeshme (ndër burimet e hetimit pikërisht hipoteza se mund të vihej në rrezik) ose nga mbledhja e “sinjaleve” elektronike të autorizuara nga një gjykatë speciale e inteligjencës.
Një pjesë e këtij materiali u përzie pa kujdes me gazeta, revista dhe korrespondencë personale.
Pas ekzaminimit të shortit fillestar, FBI u bind se mund të kishte më shumë brenda rezidencës së ish-presidentit në Florida – agjenti sugjeroi në mënyrë specifike një dollap, suitën e Trumpit, Sallën e Pishave dhe “Office 45” (asnjë nga këto vende nuk ishte i autorizuar për të mbajtur të tilla dokumente të ndjeshme).
Ai urdhër citonte shkeljen e mundshme të Aktit të Spiunazhit, një ligj që daton që nga Lufta e Parë Botërore, i cili dënon posedimin ose publikimin e paautorizuar të informacionit që lidhet me sigurinë kombëtare (sipas “Washington Post”, qeveria ka frikë se sekretet bërthamore janë gjithashtu midis dokumenteve).
Kërkimi, me sa duket, i zonave të pronës të përdorura ose të marra me qira nga miqtë dhe të ftuarit nuk u zbatua.
“Pittsburgh Post-Gazette”, raportoi ekskluzivisht se një grua ukrainase e paraqitur si trashëgimtare e Rothsçajlldëve dhe tani nën hetim nga FBI, ishte infiltruar në Mar-a-Lago dhe i ishte bashkuar rrethit të brendshëm të presidentit.
Pika tjetër e rëndësishme që del nga deklarata, është se – përsëri sipas agjentit të cituar tashmë – “ka një shkak të mundshëm për të besuar se provat e pengimit mund të gjenden në vend”. Një tjetër nga akuzat që mund të çojnë në aktakuzë ndaj Trump.
Dokumenti i publikuar, konfirmon një tjetër gjë tashmë të njohur, pikërisht se avokatët e ish-presidentit u përpoqën të bindin Departamentin e Drejtësisë që të mos hapte një hetim, duke pretenduar se Trump kishte “autoritet absolut” për të deklasifikuar dokumentet, por pretendim u kontestuar nga shumica e ekspertëve ligjorë.
Ai mbi dokumentet e vjedhura nga arkivat kombëtare – 11 dosje të tjera të dokumenteve konfidenciale u gjetën në kërkimin e 8 gushtit – është vetëm një nga hetimet e shumta në të cilat është përfshirë Trump, i vendosur të kandidojë në vitin 2024, duke kundërshtuar pikërisht në atë që ai e quan një gjykatë persekutimi.
Dje, në platformën e tij “Social Truth”, ai foli për një “operacion të marrëdhënieve me publikun të FBI-së”, por aleatët e ish-presidentit u thanë në mënyrë anonime gazetarëve të CNN se është koha që ai të gjejë “një avokat kompetent”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje