.png)
Policia e Tiranës ka arrestuar tre persona, të cilët akuzohen për vepra të ndryshme penale.
Mes të arrestuarve është edhe një 20-vjeçar me inicialet E. H, i akuzuar për prodhim dhe shitje narkotikësh, i cili në momentin e ndalimit nga policia ka hedhur nga xhami i makinës një sasi kanabisi dhe kokaine.
Ndërkohë, një 38-vjeçar është vënë në pranga sepse në banesë, ka ushtruar dhunë psikologjike ndaj bashkëshortes së tij, duke e kërcënuar me fjalë për jetën.
Gjithashtu është arrestuar edhe një 57-vjeçar, pasi u kap në flagrancë duke drejtuar mjetin në gjendje të dehur, në masën 0.52 mg/l.
Materialet i kaluan Prokurorisë pranë Gjykatës së Shkallës së Parë Tiranë, për veprime të mëtejshme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje