.png)
Drejtuesit e Honved Budapest, një prej klubeve të futbollit elitar në Hungari, ka vendosur të pezullojë trajnerin italian Xhuzepe Sanino, sepse ai, bashkë me ndihmësin e tij, Alesandro Reçenti, mund të kenë pasur kontakt me persona që jetojnë në zonat e prekura nga koronavirusi në Lombardi.
Vendimi është bërë i ditur nga klubi kryeqytetas në Hungari me një postim në profilin zyrtar në Facebook. Në ndeshjen e radhës, që luhet të shtunën, në stolin e Honvedit do të jetë ish-lojtari i kombëtares hungareze Istvan Pisont. Drejtuesit e Honvedit saktësojnë se trajneri Sanino dhe ndihmëstrajneri Reçenti nuk kanë shfaqur asnjë simptomë dhe se pezullimi i tyre është thjesht një masë mbrojtëse për skuadrën.
Dy trajnerët italianë nuk kanë marrë pjesë në seancën e fundit stërvitore. Klubi hungarez sqaron gjithashtu se pezullimi i dy trajnerëve italianë është i përkohshëm.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje