.png)
I emëruari i ri i Uashingtonit për Ballkanin Perëndimor Gabriel Escobar deklaroi të hënën se politika kryesore e SHBA-së në Ballkanin Perëndimor është mbështetjen për integrim në Bashkimin Evropian.
Zëvendësndihmës Sekretari për Çështjet e Europës dhe Euroazisë në Departamentin amerikan të Shtetit ka folur pas herë të parë pas emërimit në detyrë, duke thënë se qasja e administratës amerikane ndaj rajonit nuk ka ndryshuar.
“Administrata e re do te fokusohet shumë në mesazhin që rajoni duhet të jetë pjesë e BE-së dhe të ndërmarrë reformat e nevojshme për këtë hap. Ne shohim mundësi të jashtëzakonshme ekonomike për rajonin”, tha Escobar
Diplomati amerikan thekson se Departamenti Amerikan i Shtetit do të punojë që Serbia dhe Kosova të zbatojnë marrëveshjet që janë arritur në Bruksel dhe të sigurohen se liderët e dy vendeve nuk do t’i shmangen dialogut.
Ne do të mbështesim përpjekjet e BE-së për diaologun Kosovë-Serbi për të zhvilluar marrëdhënie më të ngushta dhe pastaj për të hyrë së bashku në BE”, tha Escobar.
“Qëllimi nuk është vetëm njohja e ndërsjellë por edhe integrimi në BE. Rajoni duhet të jetë në paqe i plotë dhe pjesë e BE-së”, shtoi ai.
Edhe përfaqësuesi i posaçëm i Bashkimit Europian në dialogun Kosovë-Serbi, Mirosllav Lajçak foli për fuqizimin e bashkëpunimit ndërmjet BE-së dhe SHBA-së në raport me dialogun Kosovë-Serbi.
Zyrtarët e lartë të BE-së dhe SHBA-së theksojnë bashkëpunimin trans-atlantik për dialogun Kosovë -Serbi për faktin se ndërmjet viteve 2018-2020, ndërkohë që dialogu i ndërmjetësuar nga BE-ja ishte pezulluar, administrata e atëhershme amerikane kishte filluar një proces paralel ndërmjet dy vendeve i cili kulmoi me arritjen e Marrëveshjes për normalizimin e raporteve ekonomike mes Kosovës dhe Serbisë më 4 shtator 2020.
Dokumentet ishin nënshkruar nga kryeministri i atëhershëm i Kosovës, Avdullah Hoti dhe presidenti i Serbisë, Aleksandër Vuçiv në prani të presidentit të atëhershëm të SHBA-së, Donald Trump.
BE-ja ishte lënë jashtë këtij procesi.
Escobar tha se Marrëveshja e Uashingtonit vazhdon të jetë e vlefshmne dhe se përmes saj, administrata amerikane po mundohet që të krijohet mirëbesimi në aspektin ekonomik.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje