.png)
Policia e Shtetit ka zbardhur një skemë mashtrimi kibernetik, teksa një i huaj i kishte zhvatur një biznesmeni shqiptar rreth 90 mijë euro pasi i kishte marrë të dhënat dhe e-mailin teksa ky i fundit kryente blerje online.
Kallëzimi i biznesmenit shqiptar erdhi një muaj më parë teksa në një muaj hetime Policia së bashku me një bankë të nivelit të dytë arritën të bllokojnë këtë shumë.
Policia ka identifikuar autorin dhe sipas policisë ai është i huaj. Ai hapte llogari në vende të ndryshme të botës duke thithur fonde nëpërmjet këtyre mashtrimeve kibernetike.
Nuk bëhet ende me dije se nga cili shtet është ‘hacker-i’ si dhe në cilat shtete operonte pasi hetimi vijon ende për të gjetur edhe autorë të tjerë të përfshirë në këtë skemë.
Ndër të tjera, Policia e Shtetit apelon për qytetarët që të tregohen të kujdesshëm gjatë komunikimeve që kanë në rrjetet sociale, postë elektronike etj, si dhe ndaj çdo veprimtarie online dhe për çdo dyshim që mund të kenë të adresohen pranë Policisë së Shtetit, duke iu garantuar një reagim të shpejtë e profesional në hetimin e këtyre rasteve nga Njësia e Hetimit të Krimeve Kibernetike.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje