.png)
Pas 137 ditësh, 36-vjeçari Andres Injiesta është kthyer në fushë me Visel Kobe në kampionatin japonez, në ndeshjen kundër Sanfrece Hiroshima. Visel Kobi fitoi 3-0, ndërsa mesfushori i njohur spanjoll zbriti në fushë në minutën e 74-t, në vend të Inoue. Ai luajti minutat e para pas katër muajsh stop për shkak dëmtimi.
Don Andres bëri një ndërhyrje kirurgjikale më 15 dhjetor në Barcelonë, nga doktor Ramon Cugat. Ai kishte dëmtuar tendinën e bicepsit femoral të këmbës së djathtë. Bashkë me Emili Ricart dhe fizioterapistin Rober Galan, Injiesta ndoqi një program rigoroz rikuperimi në Kobe dhe arriti të lërë pas dëmtimin e pësuar në çerekfinalet e Ligës së Kampionëve aziatike në dhjetor.
Me fitoren ndaj Sanfrece Hiroshima, Visel Kobe ruan serinë e rezultateve pozitive të këtij sezoni, ku ka humbur vetëm një ndeshje dhe mban vendin e 5-të me 23 piëk. I përjetshmi Injiesta ka postuar në Instagram foton e hyrjes në fushë, të cilën e shoqëron me këto fjalë: “Emocione shumë të mëdha të kthehem pas 4 muajsh, që më janë dukur shumë të gjatë. Tani ndihem si 15 vjeç. Kam qenë pak nervoz, por i kënaqur. Ka qenë një punë e madhe dhe i falënderoj të gjithë ata që më kanë mbështetur”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje