.png)
Është kapur në Francë një vrasës italian i cili ishte në arrati që nga viti 2006, pasi ishte fshehur duke u shtirur si picajol për të paktën tre vite. Edgardo Greco është pjesë e ‘Ndrangheta-s’.
Kapja e Edgardo Greco në Saint-Étienne është arrestimi i dytë i profilit të lartë mafioz nga autoritetet italiane brenda pak javësh.
Matteo Messina Denaro ishte në arrati për 30 vjet, kur u ndalua në një vizitë në një klinikë në Siçili.
Të dy ishin në kërkim për kryerjen e vrasjeve të tmerrshme në vitet 1990.
Ndërsa Messina Denaro ishte “bosi i bosëve” për Cosa Nostra-n famëkeqe të Siçilisë, Greco ishte pjesë e ‘Ndrangheta’ që e ka origjinën nga rajoni i Kalabrisë.
Ndrangheta janë mafia më e fuqishme në Itali dhe ndikimi i tyre shtrihet në të gjithë Europën dhe Amerikën e Jugut.
Greco, 63 vjeç, ishte në kërkim për vrasjen e dy vëllezërve gjatë një “lufte mafioze” mes dy bandave në fillim të viteve 1990.
Stefano dhe Giuseppe Bartolomeo u rrahën për vdekje në qytetin e vogël të Kozencës në janar 1991. Trupat e tyre nuk u gjetën kurrë dhe besohet se janë tretur në acid.
Greco u akuzua gjithashtu për tentativën e vrasjes së një burri tjetër më vonë atë vit në të njëjtin qytet.
Kur një gjykatës lëshoi një urdhër arresti për të në vitin 2006, Greco u arratis.
Tetë vjet më vonë, ai shkoi të jetonte në qytetin francez të Saint-Étienne, në jug-perëndim të Lionit, duke punuar si picajol në një restorant Italian.
Megjithatë, ai ndiqej ende nga prokurori I antimafias së Italisë, Nicola Gratteri, i cili ka shpenzuar dekada duke luftuar ngritjen e ‘Ndrangheta’.
Në një deklaratë, Karabinierët e Italisë thnë se që nga viti 2019, hetuesit kishin gjurmuar rrjetin mbështetës të Grecos, i cili përfundimisht i çoi ata në Saint-Étienne.
Ministri i Brendshëm italian Matteo Piantedosi vlerësoi policinë për kapjen e një prej kriminelëve më të këqij të Italisë, ndërsa kreu i rajonit të Kalabrisë, Roberto Occhiuto, tha se arrestimi tregon angazhimin e Italisë në luftën kundër të gjitha formave të krimit të organizuar.
Burimi: BBC. Përshtati: Gazeta Si.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje