.png)
Të gjithë e pranojnë se pandemia e koronavirusit do ta ndryshojë botën e sportit dhe të futbollit në veçanti. Pritet të ketë gjëra që nuk janë parë në të kaluarën, jo vetëm sa i takon fushës së blertë, por edhe tifozëve në shkallët e stadiumit. Ideja e parë brilante vjen nga Danimarka.
Klubi i Aarhus Gymnastikforening, ose shkurt AGF, që merr pjesë në nivelin elitar të futbollit në Danimarkë, ka bërë të ditur se në ndeshjen e parë në program ndaj Randers, në stadium do të jetë e mundur prania e tifozëve. Si? Me anë të aplikacionit “Zoom”, që shërben për video-telefonatat dhe që kohët e fundit është bërë shumë popullor në mbarë botën për shkak të karantinës.
Klubi danez, me anë të administratorit Jakob Nielsen, ka sqaruar: “Kemi marrë një iniciativë dixhitale historike dhe jemi krenarë që po e eksperimentojmë të parët këtë gjë. Do të luajmë pa tifozë për pak kohë dhe ndoshta me këtë iniciativë do të jemi frymëzim edhe për klubet e tjera”. Stadiumi do të ndahet në 22 sektorë, të gjithë të aksesueshëm falas. Dhe abonentëve të “Ceres Stadium” do t’u rezervohet i njëjti vend që kanë pasur edhe para pandemisë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje