.png)
Me largimin e Bamir Topit nga drejtimi, FRD zyrtarisht i ka dhënë forme ligjore marrëveshjes së nënshkruar me PD-në për të qenë pjesë e koalicionit “Aleanca për Ndryshim”.
Në krye të FRD do të jetë Sali Shehu njeriu që negocioi në fund me zyrtaret e PD-së për të garuar vetë ai në qarkun Dibër në një pozicion jo fort të sigurt.
“Asambleja Kombëtare e FRD-së pasi u njoh me marrëveshjen, për të cilën ka negociuar si përfaqësues i FRD-së, z. Sali Shehu, anëtarët e Asamblesë miratuan politikisht në unanimitet të plotë koalicionin me PD-në, për zgjedhjet e 25 prillit.
Anëtarët e Asamblesë pranuan po ashtu dorëheqjen e z. Topi dhe pas diskutimeve propozuan emrin e z. Sali Shehu si kryetarin e ri të FRD-së, deri në zgjedhje.
Me vota unanime, kryetari i ri i FRD-së u zgjodh z. Sali Shehu, i cili mbante postin e ish Sekretarit të Përgjithshëm të FRD-së.
Kryetari i ri i FRD-së, z. Shehu i bën thirrje gjithë shqiptarëve, në mënyrë të veçantë anëtarëve të Frymës së Re Demokratike, të mbështesin koalicionin Aleanca për Ndryshim si e vetmja alternativë e integrimin të Shqipërisë në Evropë”, thuhet në deklaratën për shtyp të FRD.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje