.png)
Kryetarja e LSI Monika Kryemadhi, i ka kërkuar SPAK informacion lidhur me paditë që ka dorëzuar për inceneratorët.
Përtej statusit penal të Lefter Kokës dhe Alqi Bllakos, Kryemadhi kërkon informacion mbi statusin juridik të kryetarit të Bashkisë së Tiranës Erion Veliaj, Sekretarit të Përgjithshëm të Kryeministrisë Ëngjëll Agaçi dhe kryetarit të Bashkisë së Fierit Armando Subashi.
“a) Nuk ka asnjë njoftim zyrtar apo informacion për personin e kallzuar Z.ËNGJËLL AGAÇI, zyrtar i cili siç e kemi sqaruar edhe në kallzimin penal ka një rol kyç në miratimin e paligjshëm të financimit me VKM të Kontratës Koncesionare të Inceneratorit të Elbasanit.
b) Nuk ka asnjë njoftim zyrtar apo informacion për personin e kallëzuar Z.Armando Subashi, zyrtar i cili siç e kemi sqaruar edhe në kallëzimin penal ka një rol kyç në pagesën për shpronësimin e paligjshëm të tokës ku është ndërtuar inceneratori i Fierit, siç edhe ju vetë e keni konstatuar kur keni marrë masën e sigurisë ndaj personave nën hetim Lefter Koka, Alqi Bllako dhe Pëllumb Abeshi…
c) Nuk ka asnjë njoftim zyrtar informacion lidhur me hetimet apo subjektet e kallëzuara për Inceneratorin e Qarkut Tiranë… Risjellim në vëmendjen tuaj se vetëm me një firmë individuale, Z. Erion Veliaj në komunikimin me Ministrinë e Mjedisit, ka ndryshuar fatin e Inceneratorit të Qarkut të Tiranës, duke dhënë dakordësinë pa Vendim të Këshillit Bashkiak për as më shumë dhe as më pak por plot 128 milion euro”, shkruan Kryemadhi.
Kryetarja e LSI-së kërkon konkretisht nëse ka persona që kanë status penal “nën hetim” apo “të pandehur” për Inceneratorët e Fierit apo të Tiranës, dhe informacion lidhur me masat konkrete të sigurisë që janë marrë nga Prokurori i çështjes.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje