.png)
Gazeta Si – Për rreth 3 orë në SPAK, deputetja demokrate Jorida Tabaku, e thirrur në cilësinë e kallëzueses për çështjen e inceneratorëve, ka dhënë sqarime para grupit hetimor.
Ajo bëri të ditur se ishte thirrur për çështjen e inceneratorëve të Fierit dhe Tiranës sa i takon fakteve që lidhen me dëshmitë që i janë dhënë Komisionit Hetimor.
Tabaku shtoi se ka qenë në komunikim të vazhdueshëm me prokurorinë speciale sa i përket hetimeve.
“Kam kërkuar informacion në cilën fazë ndodhen hetimet, por njëkohësisht në lidhje me statusin e personave që ne i kemi kallëzuar”, tha ajo.
Sipas Tabakut shumë shpejt do të ketë të reja nga hetimet e SPAK për këtë çështje.
“Besoj që shumë shpejt do të kemi të reja të paktën nga faza në të cilën ndodhen sot hetimet. Konfirmoj që hetimi i aferës 430 milionë Euro ka qenë një prioritet jo vetëm i punës sime personale, por më vjen mirë që shoh që hetimet kanë ecur edhe në organin e akuzës”, u shpreh Tabaku.
Pas Monika Kryemadhit dhe Gazmend Bardhit, deputetja demokrate është e treta që merret ne pyetje nga SPAK si person që ka bërë kallëzimin e incineratorëve.
Ndërkohë që hetimet për abuzimet me inceneratorët janë drejt përfundimit Gjykata e Posaçme e Apelit do të shqyrtojë në 9 nëntor ankimimi e pak për Alqi Bllakon, i cili u lirua në masë “arrest shtëpie” nga Gjykata e Shkallës së Parë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje