.png)
Tre persona humbën jetën në bordin e një anijeje japoneze të peshkimit, e cila u përplas me një anije ruse jashtë ishullit verior të Hokkaidos. Zëdhënësi i qeverisë japoneze, Katsunobu Kato, konfirmon lajmin, duke saktësuar se ka edhe dy të plagosur.
Transmetuesi japonez, NHK identifikoi anijen japoneze si “Daihachi Hokko Maru” 9.7 tonë, me qendër në Mombetsu dhe transportuesin e mallrave 666 tonë “Amur”, të regjistruar në Nevelsk në ishullin Sakhalin të Rusisë.
Që nga Lufta e Dytë Botërore, ka pasur një mosmarrëveshje midis Japonisë dhe Rusisë mbi sovranitetin e katër ishujve të administruar nga Moska, të cilat ajo i quan Kurilët e Jugut dhe që Tokio e pretendon si Territoret e Veriut.
Anijet e peshkimit që lundrojnë në këtë zonë, shpesh janë përfshirë në tensione midis Moskës dhe Tokios.
Në vitin 2019, rusët arrestuan 24 peshkatarë japonezë dhe rrëmbyen anijet e tyre, të akuzuar për tejkalimin e kuotës së lejuar për kapjen e oktapodëve.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje