.png)
Nëndetësja, e cila u zhduk në brigjet e Balit me 53 persona në bord, është mbytur. Lajmi u bë i ditur nga autoritetet indoneziane, pasi kishin gjetur pjesë të mbetjeve nga brenda nëndetëses.
“Me prova autentike që besohet të vijnë nga ‘KRI Nanggala’, ne kemi ndryshuar statusin, nga e zhdukur, në nëndetëse të mbytur”, u tha zëdhënësi i marinës mediave, duke shtuar se mbetjet e rikuperuara nuk mund të vijnë nga ndonjë një anije apo nëndetëse tjetër.
Ekipet e shpëtim-kërkimit, gjetën disa objekte, duke përfshirë pjesë të një pllake siluri dhe një shishe vaji, e cila besohet se përdoret për të vajosur periskopin.
Sipas kreut të Marinës Indoneziane, Yudo Margono, nëndetësja është fundosur zyrtarisht dhe nuk ka asnjë shpresë për të gjetur 53 anëtarët e ekuipazhit të gjallë.
“Ne kemi zbuluar mbetje në zonën ku u zhyt për herë të fundit”, theksoi ai. Zyrtarët shpjeguan se furnizimi me oksigjen përfundoi në orët e para të së shtunës, me kohën lokale.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje