.png)
Gazeta Si – Rusia mund të mobilizojë deri në një milion ushtarë të tjerë për luftën në Ukrainë.
Këtë e deklaroi drejtori i Bundesnachrichtendienst (Bnd), shërbimi gjerman i inteligjencës “i jashtëm” për Rnd, siç raportohet nga televizioni “Zdf”.
“Potenciali shtesë i mobilizimit të Rusisë është një shifër deri në një milion njerëz, nëse konsiderohet e nevojshme nga Kremlini”, shpjegoi Kahl.
Drejtori i BND-së, shtoi më pas se ai nuk sheh shenja të një gatishmërie të mundshme për të negociuar nga ana e presidentit rus Vladimir Putin.
“Tani për tani bëhet fjalë për përpjekjen për të arritur sa më shumë fitore në fushën e betejës dhe më pas, ndoshta, në një moment, për të diktuar një paqe sipas kushteve të Moskës”, tha Kahl, duke shtuar se fitorja e mundshme e Ukrainës është e lidhur “me mbështetjen e vërtetë nga Perëndimi”.
Nga ana tjetër, presidenti amerikan, Joe Biden, tha se Ukraina “kurrë nuk do të jetë një fitore për Rusinë”.
Këto deklarata ai i bëri gjatë një fjalimi në Poloni, pak ditë para se të shënohet njëvjetori i nisjes së pushtimit rus të Ukrainës.
“Një diktator i prirë që të rindërtojë një perandori kurrë nuk do të jetë në gjendje të shtypë dashurinë e njerëzve për lirinë, brutaliteti kurrë nuk do të shkatërrojë vullnetin e të lirëve. Ukraina kurrë nuk do të jetë një fitore për Rusinë, kurrë”, tha Biden para qytetarëve të mbledhur jashtë Kështjellës Mbretërore në Varshavë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje