.png)
Me ndërprerjen e kampionateve ka më shumë kohë për skautët dhe menaxherët. Nuk ka ndeshje për të parë nga afër, por material për të analizuar ka sa të duash. Interi, sipas shtypit spanjoll, vazhdon të këmbëngulë për Mauro Arambarrin, mesfushorin 24-vjeçar uruguaian, i ndjekur nga zikaltërit edhe dy sezone më parë.
Një profil i ri lojtari në listën e merkatos së Interit vjen nga Greqia. Po ndiqet me shumë vëmendje nga drejtuesit zikaltër Kostas Tsimikas, mbrojtës i krahut të majtë i Olimpiakosit, i cili ka pasur një rritje konstante periudhën e fundit. Lojtari grek mbush 24 vjeç në maj dhe nga klubi i Olimpiakosit vlerësohet në këtë moment 20 milionë euro. Një shifër relativisht e lartë kjo për një mbrojtës, por vlera e tij është rritur, duke parë interesin edhe të klubeve të tjera.
Para Interit, për Tsimikas është futur në lojë edhe Napoli, që kërkon ta bashkojë mbrojtësin e majtë me patriotin e tij, Kostandinos Manolas. Paraqitja e mirë e lojtarit të ri të Olimpiakosit në Kupat e Europës ka bërë që sytë e shumë menaxherëve të fokusohen tek ai dhe menjëherë në garë janë vënë dy klube të mëdha italiane si Interi dhe Napoli. Vite më parë Interi ka pasur në përbërje një mbrojtës të majtë nga Greqia, Jorgatosin. Mbetet për t’u parë kush do ta fitojë garën për 23-vjeçarin grek.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje