.png)
Para se të futej në zgjedhje zyrtarisht si kandidate për kryetare bashkie, ish-deputetja e PD, Lajla Përnaska tha se po shihte disa obsione se me cilën sigël do regjistrohej duke shtuar se synimi i saj ishte tërheqja e atij kontigjenti që abstenonte.
Në fakt, Përnaska ka bërë të kundërtën. Ajo është regjistruar në siglën e një partie që kryesore ka çështjen çame, nga e cila vetë Pernaska nuk duket të ketë lidhje.
Përnaska do të garojë nën siglën e Partisë Drejtësi, Integrim dhe Unitet. Kërkesa për regjistrimin e PDIU-së në zgjedhje është dorëzuar edhe në KQZ.
Ish-deputetja e Partisë Demokratike, Lajla Përnaska më herët njoftoi se do të rikthehej në politike. Ajo u shpreh se rruga e vetme për t’u kthyer në politikë dhe për të dhënë një kontribut real, është kandidimi për Bashkinë e Tiranës.
Përnaska do të garojë në zgjedhjet e 14 Majit, përballë Belind Këlliçit, kandidatit nga koalicioni “Bashkë Fitojmë”, përballë Erion Veliajt nga radhët e PS-së, Roland Bejkos nga PD e Enkelejd Alibeajt, dhe Arlind Qori i partisë Lëvizja Bashkë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje