.png)
Gazeta Si – Boris Bondarev, diplomati rus që dha dorëheqjen në maj për shkak të pushtimit të Ukrainës, ka marrë azil politik në Zvicër.
Ish-përfaqësuesi i Moskës në selinë e OKB-së në Gjenevë dhe ekspert i armatimeve, vazhdon të jetojë në qytetin zviceran dhe thotë në një intervistë për uebsajtin “Moscow Times” se është në kërkim të punës. “Ndërkohë po debatoj në Tëitter dhe po qëndroj me macet e mia”, thotë ai.
Boris Bondarev, 41 vjeç, kishte qenë ndër të parët që shprehu kundërshtimin e tij ndaj vendit të tij të origjinës pas shpërthimit të luftës.
“Më vjen turp nga Putini”, deklaroi ai më 22 maj, duke e bërë të qartë kundërshtimin e tij ndaj agresionit të Ukrainës.
Dukej fillimi i një shkatërrimi progresiv të konsensusit të klasës sunduese ndaj Carit (disa ditë më parë ish-zëvendëskryeministri Anatolij Chubais kishte përplasur derën) dhe asokohe kishte shumë pak “koka të mëdha” ruse që bënë revoltë ndaj Kremlinit.
Diplomati disident kishte vite përvojë si ekspert në luftëra si në Mongoli dhe Kamboxhia dhe ishte caktuar në Gjenevë për vite me radhë për t’u marrë me dosje të tilla, si traktatet e çarmatimit. Në qytetin e Calvinos, ai ishte befasuar nga shpërthimi i luftës shkurtin e kaluar.
“Unë nuk jam duke punuar, kam shumë kohë të lirë, kështu që shpenzoj shumë në rrjetet sociale”, thotë Bondarev për “Moscow Times”.
Në Twitter, ai la komente sarkastike nën profilin e ish-presidentit Dimitrij Medvedev, i cili ka marrë rolin e “skifterit” të regjimit të Putinit dhe bisedon me ish-kolegët e tjerë nga zyrat diplomatike në mbarë botën.
Ai nuk donte të tregonte saktësisht se ku jeton: Zvicra ka vendosur një regjim të veçantë vëzhgimi për të, nga frika e hakmarrjes nga vrasësit e dërguar nga Moska.
“Unë kisha qenë prej kohësh i pakënaqur me mënyrën se si funksiononte qeveria ruse me korrupsionin, me shtypjen, me mungesën e transparencës. Lufta ishte shtysa për marrjen e vendimit përfundimtar”, tha ai përsëri për “Moscow Times”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje