.png)
Ish i dërguari i posaçëm i SHBA, për dialogun Kosovë-Serbi, Richard Grenell, ka zhvilluar një vizitë të shkurtër në Tiranë.
Ai ka njoftuar përmes një foto në faqen e tij në Instagram se ka takuar Kryeministrin e Shqipërisë, Edi Rama.
“Tregime ngjarjesh gjatë një dreke këtë të diel me mikun dhe kryeministrin shqiptar, Edi Rama, në një Tiranë shumë të nxehtë”, ka shkruar Grenell krahas fotos së publikuar.
Grenell fillimisht kishte qenë në Beograd ku postoi një foto me ministrin e Ekonomisë në Serbi, Sinisha Mali. Më pas, ai ka drekuar me kryeministrin Rama.
Ky i fundit nuk ka komentuar apo percjellë ndonjë foto rreth drekës së zhvilluar
Një takim me Grenell zhvilloi edhe Presidenti i Republikës, Ilir Meta.
“Ishte kënaqësi të takoja këtë mëngjes Ambasadorin Grenell. Mbështes përpjekjet e tij të vazhdueshme për të promovuar investimet amerikane dhe bashkëpunimin ekonomik në rajon, si e vetmja mënyrë për të garantuar mirëqenie për të gjithë qytetarët tanë dhe veçanërisht brezin e ri.
Përpara vizitës të tij në Jug të vendit i dhurova librin “Albania from the Air”, një botim i veçantë mbi mrekullitë natyrore shqiptare, pasi jam i sigurt se herën tjetër ai do të shpenzojë më shumë kohë për të eksploruar Shqipërinë tonë të bukur”, shkruan Meta në Facebook
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje