.png)
Gazeta Si – Një kritikë ndaj ish-presidentit të SHBA-ve, është kthyer në një pranim të fuqishëm të përgjegjësisë për John Bolton, ish-këshilltarin e Trumpit për Sigurinë Kombëtare dhe ish-ambasadorin amerikan të Xhorxh W. Bush në OKB.
Duke folur për sulmin në Kapitol Hill, Bolton, duke shpjeguar se aksioni nuk ishte planifikuar me kujdes siç duhej të ishte një grusht shteti, zbuloi pa dashje se kishte ndihmuar në organizimin e grushteve të shtetit jashtë vendit, duke ngjallur reagimin e vendeve të ndryshme, nga Rusia në Kinë, nga Bolivia në Venezuelë dhe deri në Turqi.
Duke folur për CNN, Bolton theksoi se sulmi në Kapitol më 6 janar 2021 “nuk ishte një grusht shteti i planifikuar me kujdes”, dhe për ta vërtetuar këtë ai la të pasqaruar faktin se është një ekspert në këtë fushë.
“Si person që ndihmoi në grushtet e shtetit, jo këtu, por në vende të tjera, duhet shumë punë dhe kjo nuk është ajo që bëri Trump”.
Ajo që supozohej të ishte një kritikë për mungesën e organizimit të ish-presidentit, është kthyer kështu një “bumerang” për Bolton.
Në fakt, fjalët e tij nuk kaluan pa u vënë re: ato u bënë virale në rrjetet sociale, me miliona shikime nga të gjitha anët e botës, brenda pak orëve zgjuan edhe dënime zyrtare dhe spekulime joformale nga vëzhguesit e huaj, veçanërisht në ato vende ku në dekada ndërhyrja amerikane kanë lënë gjurmët e tyre.
Moska e mori menjëherë “topin” dhe zëdhënësja e Ministrisë së Jashtme, Maria Zakharova, bëri thirrje për një hetim ndërkombëtar, duke theksuar se “është e rëndësishme të dihet se në cilat vende të tjera Shtetet e Bashkuara kanë planifikuar grusht shteti”.
Dhe për Wang Wenbin, zëdhënës i ministrisë së Jashtme kineze, pranimi i Boltonit “nuk është befasi. Pranimi thjesht tregon se ndërhyrja në punët e brendshme të vendeve të tjera dhe përmbysja e qeverive të tyre, është bërë një praktikë e qeverisë amerikane”.
Evo Morales, ish-presidenti i Bolivisë i dëbuar nga ushtria në vitin 2019 në sfondin e akuzave jo-transparente për zgjedhjet, shkroi në Twitter se fjalët e Boltonit tregojnë se Shtetet e Bashkuara “janë armiku më i keq i demokracisë dhe jetës”.
Ndërsa ishte në Turqi, një gazetë lokale pro-Erdoganit, i lidhi deklaratat e ish-këshilltarit të Sigurisë Kombëtare të SHBA-së me përpjekjen e dështuar për të rrëzuar qeverinë e Ankarasë në vitin 2016 (kur megjithatë Bolton nuk mbante poste qeveritare).
Megjithatë, Bolton nuk specifikoi se në cilat grushte shteti ishte i përfshirë; i shtyrë nga intervistuesi, megjithatë, ai përmendi përpjekjen e pasuksesshme për të rrëzuar presidentin venezuelian Nicolas Maduro në vitin 2019.
Ndërsa specifikoi se SHBA nuk kishte “shumë të bënte me këtë”. Maduro nuk u përgjigj, por Samuel Moncada, ambasadori i Venezuelës në OKB, shkroi në Twitter se Bolton ka të drejtë: “Grushtet e shtetit kërkojnë shumë punë. Kjo është arsyeja pse ai dështoi me agjentët e tij në Venezuelë”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje