.png)
Ish-kandidati i koalicionit “Bashkë Fitojmë” për kryetar në bashkinë e Kukësit, Admir Sinamati, rival i Safet Gjicit, në një intervistë për Report Tv, tha se para zgjedhjeve lokale një person i ishte ofruar për një video kompromentuese, porse nuk e kishte pranuar.
Sinamati tha se nuk e njihte personin në fjalë
“Sa për dijeni. Në javën e parë të fushatës më është prezantuar një qytetar, më ofroi një video komprometuese. I thashë nuk jam njeri që merrem me përndjekje të personave, më tepër të rivalëve të tij. I thashë nëse ke diçka drejtohu organeve ligjzbatuese. Unë me kundërshtarin tim kam një betejë politike. Materialin që më është ofruar atëherë nuk e kam parë. Jam larg këtyre formave. Ai person që më tha për videon ishte person i panjohur për mua” tha ai.
LEXO EDHE:
– Të kapur në video intime apo trafik droge e korrupsion/ Nga Gjici, ‘Shukriu’ tek Kajmaku, Pjetri apo Roshi (Lista e emrave të shkarkuar nga Rilindja)
– Video skandali i Safet Gjicit, dyshime edhe për afera biznesi. SPAK sekuestron pamjet filmike
Video-skandali i publikuar të premten është regjistruar më 6 qershor pas betimit të Gjicit, ndërsa për videon tjetër që pretendon Sinamati thotë se nuk e di përmbajtjen.
I pyetur në lidhje me videon aktuale të publikuar, Sinamati tha se kjo është një çështje që i takon prokurorisë.
“Të them të vërtetën rezervohem në të drejtën për të folur pasi qytetarët shqiptarë janë njohur me këtë aferë dhe sa kohë kjo çështje i takon hetimit dhe shqyrtimit në organet ligjzbatues s’kam dëshirë të komentoj” tha Sinamati.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje