.png)
“Krenar që jam paraguajan”. Ish-portieri i famshëm, Zhoze Luis Shilavert, ka nisur kështu fushatën për zgjedhjet presidenciale në vendin e tij. Ai është vlerësuar tri herë si portieri më i mirë nga FIFA dhe është i njohur në gjithë botën si një specialist penalltish dhe goditjesh të lira (ka shënuar 54 gola me klubet dhe 8 me kombëtaren).
Shilavert mund të jetë një nga portierët me më shumë gola në historinë e futbollit, pas brazilianit Roxherio Çeni. Tani ai synon të bëhet president i Paraguajit dhe të luftojë korrupsionin në këtë vend.
Ish-portieri, tani 55 vjeç, e ka bërë të ditur publikisht kandidaturën e tij me një postim në Tuiter. Javët e ardhshme ai do të shpalosë edhe programin e tij, por tashmë e ka bërë të ditur se objektivat kryesorë janë të përmirësojë jetën e qytetarëve të Paraguajit dhe të zhdukë korrupsionin. Më pare, ish-sulmuesi i Milanit, Zhorzh Ueah, është zgjedhur president I Liberisë, kështu që edhe Shilavert ka shanse…
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje