.png)
Ish-shefi i policisë sekrete maqedonase, Sasho Mijallkov u shpall sot fajtor për rastin “Thesari” dhe u dënua me 8 vjet burgim. Bashkë me Mijallkovin u dënuan edhe zyrtarët e tjerë të Ministrisë së Brendshme: Toni Jakimovski me 5 vjet burg; Nebojsha Stojakoviq gjithashtu me 5 vjet burg dhe Goran Grujovski, 15 vjet burg.
Rasti “Thesari”, ka të bëjë me prokurimin e softuerit të përgjimit, nga Mbretëria e Bashkuar përmes kompanisë “Finzi”. Sipas Prokurorisë, prokurimi i pajisjes u bë në vitin 2010 dhe Ministria e Brendshme në vend që ta blinte direkt nga Britania, prokurimi kaloi përmes kompanisë Finzi, ndërsa paratë hynë në kompani përmes një kompanie nga Qipro.
Ai akuzohet për vjedhjen e 2.1 milionë eurove nga thesari i shtetit dhe i janë ngrirë mbi 20 llogari bankare. Të dyshuarve u janë sekuestruar po ashtu 600,000 euro dhe 4 automjete, vlera e përafërt e të cilave është 100,000 euro”, njofton prokuroria.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje