.png)
Gazeta Si – Një shqiptar me profesion avokat është gjetur i vdekur në Rexhio Emilia të Italisë. Viktima është identifikuar si Aineo Redo 49 vjeç, me origjinë nga Bulqiza, por banues prej vitesh në shtetin fqinj.
Mediat italiane raportojnë se 49-vjeçari u gjet me fyt të prerë me thikë, por ai nuk ka qenë i skeduar nga policia,
Trupi i pajetë i shqiptarit është konstatuar nga një kalimtar në rrugë, i cili më pas lajmëroi policinë.
Pista e parë e hetuesve është vetëvrasja, duke parë se viktimës iu gjet një thikë në dorë.
Por nuk përjashtohet as pista e vrasjes dhe që autori i pretenduar të ketë vendosur thikën në dorën e 49-vjeçarit për të krijuar alibinë e një vetëvrasjeje.
Do të jetë ekspertiza mjeko-ligjore që do të përcaktojë shkaqet e sakta të vdekjes dhe rrethanat e ngjarjes.
Një element tjetër që pritet të ndihmojë hetimet, janë edhe kamerat e sigurisë në zonë, që janë sekuestruar nga hetuesit për t’u analizuar.
Viktima Aineo Redo ishte i martuar dhe kishte dy fëmijë. Ai ishte diplomuar në Itali për drejtësi dhe punonte si avokat për çështjet e emigracionit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje