.png)
Një aksident i rëndë në Itali i ka marrë jetën një fëmije, ndërsa kanë mbetur të plagosur 5 të tjerë, njëri prej tyre në gjendje të rëndë.
Sipas mediave italiane, fëmijët janë të moshës 3 deri në 5 vjeç. Aksidenti i rëndë ka ndodhur pranë një çerdheje, ku fëmijët kanë qenë duke luajtur ndërsa një makinë është përplasur me murin e jashtëm të ndërtesës.
Brenda makinës së aksidentuar ndodhej një fëmijë rreth 8 vjeç, të cilin e kishte lënë nëna e tij përkohësisht vetëm dhe një nga hipotezat që po hetohet është dhe mundësia që aksidentin ta ketë shkaktuar fëmija i mitur.
“Jam thellësisht i pikëlluar, as nuk mund ta imagjinoj dhimbjen që po ndjejnë prindërit e fëmijëve të lënduar. Si baba dhe si përfaqësues i institucioneve jam i tmerruar. Është një lajm i tmerrshëm: shpresojmë dhe lutemi që numri i viktimave të mos përkeqësohet”, janë këto fjalët e kryebashkiakut të L’Aquila, Pierluigi Biondi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje