.png)
Qeveria e Italisë nuk shikon një emergjencë më në furnizimin me gaz të vendit të vet, pas nënshkrimeve të fundit që ka bërë në këtë fushë.
Italia nënshkroi një marrëveshje me Qatar Energy për zgjerimin e projektit “North Field East”, që do të rrisë eksportet e gazit të lëngshëm nga 77 milion në 110 milion ton në vit. Po ashtu dhe një tjetër me Algjerinë, për 28.7 mld dollarë, me qëllimin e nisjes së prodhimit në vitin 2025.
Kjo është një lëvizje strategjike sipas Romës, pasi prania italiane në Lindjen e Mesme do të përforcohet duke siguruar qasje për një prodhues global gazi të lëngshëm. Si dhe vendit me rezerva gazi natyror ndër më të mëdhatë në botë. Ndërkohë vijon reduktimi i volumit të gazit që vjen nga Moska.
Brenda kësaj jave Italia do të vendosë nëse do të kalohet në gjendjen e alarmit për sa i përket krizës kombëtare të gazit. Objektivi është që vjeshta të mos e gjejë vendin me pak rezerva./Bloomberg
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje