.png)
Qeveria italiane, Liga e Serisë A dhe Federata Italiane e Futbollit po punojnë, – jo pa polemika, – për rifillimin e kampionatit, por duhet menduar edhe për hipotezën e mbylljes përfundimtare, me të gjitha pasojat që ajo do të sillte.
“Gazzetta dello Sport” shkruan për një skenar të ngjashëm me atë të Holandës, që nënkupton ngrirjen e klasifikimit aktual, sipas të cilit 6 skuadrat e para do të kualifikoheshin për në kupat e Europës. Nuk do të ketë titull kampion (me renditjen aktuale i takon Juventusit, në Holandë nuk ia akordua Ajaksit) dhe ndryshon mekanizmi i rënies nga kategoria.
Skenari i parë është për të pasur një kampionat me 22 skuadra në Serinë A sezonin 2020/21. Nuk ka rënie nga kategoria dhe anulohet “Play-off”-i i Serisë B. Një tjetër hipotezë është rënia e dy skuadrave të fundit në tabelën e klasifikimit dhe ngjitja e dy skuadrave nga Seria B, duke mos e ndryshuar numrin e 20 skuadrave në A.
Kapitulli i të drejtave televizive lihet mënjanë, sepse është një temë delikate që duhet zgjidhur. Me siguri do të rishihet shkurtimi i pagave, pasi klubet nuk do të arkëtojnë. Nëse qeveria i thotë “Stop” kampionatit, klubet do të përplaseshin jo pak me Sindikatën e Futbollistëve.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje