.png)
Izraeli ka njoftuar se do të ofrojë mundësinë e vaksinimit nëpër shkolla, duke hedhur poshtë mundësinë e vazhdimit të mësimit online.
“Nxënësit do të vaksinohen në mjediset e shkollës gjatë orarit mësimor mirëpo vetëm nëse për imunizimin e tyre pajtohen prindërit”, tha në një deklaratë të Qeverisë së Izraelit.
Autoritetet izraelite thonë se po përpiqen të shmangin mbylljen e shkollave.
Rastet e reja me koronavirus kanë shënuar rritje në Izrael pavarësisht një fushate disa muajshe të vaksinimit. Ministria e Shëndetësisë e Izraelit tha të hënën se janë regjistruar 6.467 raste të reja me COVID-19 dhe 1.142 persona janë të shtruar në spital.
Në Izrael rreth 30 për qind e fëmijëve të moshës 12-15 vjeç kanë marrë dy doza të vaksinës. Kjo shifër është shumë më e ulët se çdo grupmoshë tjetër.
Ministrja e Arsimit, Yifat Shasha-Biton ka deklaruar se “fillimi i vitit shkollor është thelbësor për stabilitetin dhe qëndrueshmërinë psikologjike të nxënësve”.
Vala e re e të infektuarve e ka detyruar Qeverinë të miratojë masa të reja kufizimi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje