.png)
Gjokë Jaku, Prefekti i Lezhës, ka dhënë dorëheqjen 3 vite pas qëndrimit në këtë detyrë.
Dorëheqjen ai e ka bërë të ditur përmes një postimi në Facebook, ku ka falënderuar bashkëpunëtorët e tij dhe thotë se do të vazhdojë të mbetet i pandikuar në qëndrimet e tij.
Ai shton se do të vijojë të kontribuojë në jetën publike.
“Kjo periudhë 3 vjeçare ka qenë një eksperiencë e vlefshme për mua e pas asaj të Q. Shkodër në vitet 1997-2000, më ka plotësuar CV time por jo vetëm. Jam përpjekur gjithnjë të jem i përulur por dhe kërkues për arritjen e objektivave të punës. Jam i lumtur të kem lënë një gjurmë timen të mirë në këtë funksion të rëndësishëm. Sigurisht që do vijoj të jem aktor modest në jetën publike lokale me të cilën u lidha prej më shumë 30 vjetësh, në të cilën u rrita e u formësova. Do jem banor i këtij qyteti përjetë, një mik juaji padyshim, i lirë në e i pandikuar në qëndrimet e mia, antikonformist për probleme që shqetësojnë mjedisin shoqëror, social etj. sepse kështu dua të mbetem”, shkruan Jaku në rrjetin social “Facebook”.
Deklaratën e tij e mbyll me një shprehje të Martin Luther King, që thotë se “jeta fillon të mbarojë ditën kur heshtim përballë gjërave që kanë rëndësi”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje