.png)
Dëmtimi i Kale dhe Çelhakës dhe largimi i Ngo e më pas dhe Kobinah, i kanë hapur shumë probleme Tiranës. Kampionët në fuqi, pavarësisht ndryshimit në stol, ku Nevil Dede mori vendin e Emanuel Egbo pas javës së dytë, nuk e kanë gjetur veten dhe janë larg vendeve të para që mbahen nga Vllaznia, Kukësi, Partizani dhe Teuta.
Situata është qartë dhe drejtuesit e klubit kanë vendosur të shpenzojnë në merkaton e dimrit për të kompletuar skuadrën, që ajo të mbrojë kurorën, ose minimalisht të zërë një vend në kupat e Europës. Ferhan Hasani është emri i parë që po qarkullon si përforcim i bardhebluve. Për fantazistin tetovar Tirana duhet të bëjë një sforco financiare, pasi ai kushton shumë. Por nuk është vetëm Hasani në listën e përforcimeve të sulmit.
Emrat e dy lojtarëve të Partizanit, Asanit dhe Melos, që janë përmendur si objektiva të Tiranës, janë hedhur poshtë nga klubi kryeqytetas. Drejtuesit e Tiranës, në bashkëpunim me menaxherë të ndryshëm, po shohin çdo mundësi që ofron tregu ynë, por më shumë ai i huaj. Lojtarët afrikanë të ardhur në merkaton e verës nuk kanë bindur dhe përpjekjet më të mëdha po bëhen për të përforcuar sulmin.
Deri tani, peshën më të madhe në këtë repart e ka mbajtur i riu Ernest Muçi, ndërkohë që vendimtarë kanë qenë golat e Idriz Bathës. Tirana ka nevojë për më shumë kualitet dhe mbetet të shihet se çfarë do të sjellë merkatoj e janarit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje