Jo vetëm ministrat dhe ndërkombëtarët, kush shtohet tjetër në listë për të përdorur sallën VIP në Rinas

Jo vetëm ministrat. Jo vetëm ndërkombëtarët. Jo vetëm kryeministri.

Një vendim i Këshillit të Ministrave i ditës së kaluar ka shtuar listën e zyrtarëve të konsideruar VIP që kanë të njëjtat të drejta për të përdorur sallën e veçantë në Aeroportin Ndërkombëtar “Nënë Tereza”.

Në listën e ceremonialit është shtuar kryeprokurori i SPAK, kryetari i Gjykatës Antikorrupsion në Tiranë, shefja e Byrosë Kombëtare të Hetimit.

Po ashtu të njëjtën pozitë të privilegjuar do të kenë dhe anëtarë të procesit të vettingut si shefat e Komisionit të Pavarur të Kualifikimit, numri një i Kolegjit të Posaçëm të Apelimit dhe të gjithë komisionerët publikë si edhe të gjithë anëtarët e Gjykatës Kushetuese.

---

Copyright © Gazeta “Si”

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.

---