.png)
Gazeta Si – Presidenti amerikan Joe Biden ka thënë se nuk do të dërgojë avionë luftarakë amerikanë në Ukrainë.
“Jo”, – iu përgjigj Biden një gazetari që e pyeti nëse do të dërgonte avionë F16 në Kiev, siç kërkohet nga presidenti Volodimir Zelenski për të mbështetur përpjekjet e tij të luftës kundër Rusisë.
Biden, kujton CNN, kishte thënë tashmë në disa raste se avionët nuk janë një nga opsionet në tryezë.
Javën e kaluar, për shembull, ai njoftoi se do të dërgonte 31 tanke M1 Abrams në Ukrainë, pavarësisht se zyrtarë të lartë amerikanë më parë thanë se automjetet e rënda ishin të papërshtatshme për ushtrinë e vendit.
Deklarata e tij vjen një ditë pasi udhëheqësi gjerman përjashtoi gjithashtu dërgimin e avionëve luftarakë.
Ukraina ka thënë se i duhen avionët për të marrë kontrollin e hapësirës së saj ajrore në luftën e saj të vazhdueshme me Rusinë.
F-16 Fighting Falcons konsiderohen si një avionët luftarakë më të besueshëm në botë dhe përdoren nga vende të tjera, si Belgjika dhe Pakistani.
Presidenti francez Emmanuel Macron tha më herët të hënën se Franca nuk e përjashton mundësinë e dërgimit të avionëve luftarakë në Ukrainë.
Biden tha gjithashtu se nuk është i sigurt nëse do të vizitojë Evropën muajin e ardhshëm për përvjetorin e fillimit të luftës, në 24 shkurt.
Më pas, në përgjigje të një pyetjeje të veçantë, ai shpjegoi se ka në plan të vizitojë Poloninë, por ende nuk e di se kur.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje