.png)
Juventus-Napoli do të riluhet. Pas fitores 3-0 në tavolinë për kampionët në fuqi të vendosur nga organet federale, shkalla e fundit e drejtësisë sportive ka dalë në konkluzionin se skuadra e Elseid Hysajt është penalizuar nga ky vendim dhe se ndeshja duhet të luhet në fushë.
Kolegji i garancisë, i udhëhequr nga ish-ministri i punëve të jashtme në Itali, Franko Fratini, ka hedhur poshtë verdiktin e Gjykatës Federale dhe Gjykatës Sportive të Apelit. Tashmë renditja e Serisë A ndryshon dhe Juventusit nuk i llogaritet më fitorja 3-0 në tavolinë. Në këtë situatë, duhet gjetur një datë për zhvillimin e ndeshjes në fjalë dhe ka një hipotezë për më 13 janar, që do të thotë shtyrje e ndeshjeve të Kupës së Italisë për dy skuadrat.
Që do të kishte një vendim ndryshe nga ai i mëparshmi, ishte kuptuar nga fakti që federata italiane nuk kishte marrë masa për të mbrojtur sentencat e drejtësiesë së saj sportive. Një nga prokurorët kombëtarë të sportit kishte shprehur një lloj skpeticizmi, kur tha se Gjykata e Apelit e kishte hedhur hapin më të gjatë se sa e ka këmbën. Fjalë që kanë pasur ndikim në gjykimin e kolegjit.
“Nuk ishte një zgjidhje, por një detyrim, – është thënë gjatë debatit në kolegj. Napoli nuk kishte asnjë arsye për t’i bërë bisht sfidës”. Tani pritet vetëm të zyrtarizohet data e zhvillimit të Juventus-Napoli. Skuadra e Hysajt nuk udhëtoi drejt Torinos për ta zhvilluar këtë ndeshje sipas kalendarit, pasi disa lojtarë të saj u prekën nga Covid-19.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje