.png)
Kandidati në garën për kreun e PD-së, Fatbardh Kadilli ka mbështetur idenë e Bujar Nishanit për vetting në politikë.
Pas takimeve që ai zhvilloi me demokratët e Kukësit, Kadilli u pyet nga media se cili ishte opinioni i tij për propozimin e Nishanit.
“Cdo propozim që synon të pastrojë figurën e çdo politikani është i mirëpritur nga ana ime, si për vettingun ashtu edhe për ‘origjinën politike’. A kanë apo jo implikim me të shkuarën komuniste, a kanë apo jo implikime me ngjarje të padëshirueshme sepse kur dalim dhe kërkojmë mbështetjen ashtu si edhe unë, ai ka të drejtën e zotit të pyesë; Kush je ti z.Kadilli që kërkon mbështetjen?”
Kadilli nënvizoi gjithashtu se e gjithë pasuria e tij është ndërtuar nga ai dhe familja e tij “pa asnjë teprim që mund të vijë nga dikush tjetër”
Më herët, Bujar Nishani propozoi vetting në politikë për cdo politikan që “milituar” 10 vitet e fundit në politikë në gjithë hirearkinë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje